டி20 ஆசிய கோப்பை.. அரையிறுதிக்கு முன்னேறியது இந்திய மகளிர் அணி..!!

டி20 ஆசிய கோப்பை மகளிர் கிரிக்கெட் தொடரில் இந்திய அணி அரையிறுதிக்கு முன்னேறியது. நேபாளுக்கு எதிரான லீக் போட்டியில் 82 ரன்கள் வித்தியாசத்தில் இந்திய அணி அபார வெற்றி பெற்றது. முதலில் பேட்டிங் செய்த இந்த அணி 20 ஓவர்கள் முடிவில் 3 விக்கெட்டை இழந்து 178 ரன்களை குவித்தது. இதையடுத்து, களமிறங்கிய நேபாள் அணி இந்திய அணியின் பந்துவீச்சை சமாளிக்க முடியாமல் 20 ஓவர்களில் 9 விக்கெட்டை இழந்து வெறும் 96 ரன்கள் எடுத்து தோல்வியடைந்தது. 3 போட்டிகளில் விளையாடி ஒரு தோல்வியை கூட சந்திக்காமல் இந்திய அணி அரையிறுதிக்கு முன்னேறியுள்ளது.