டி20 உலக கோப்பை தொடரில் இந்திய அணி பேட்ஸ்மேன்கள் பெரிதாக சோபிக்காத நிலையில் , பேட்டிங் ஆர்டரை மாற்ற கோரிக்கைகள் எழுந்து வருகின்றது. இந்த நிலையில் ஓப்பனர்களான விராட் கோலி மற்றும் ரோஹித் சர்மாவை மாற்றக்கூடாது என்று முன்னாள் இந்திய வீரர் வாசிம் ஜாபர் கூறியுள்ளார் இந்த பேட்டிங் ஆர்டரை மாற்றினால் 3வது, 4வது இடத்தில் ஆடும் வீரர்களும் மாற்றப்படுவார் என்பதால் அது குழப்பத்தை ஏற்படுத்தும் என அவர் தெரிவித்துள்ளார். இந்திய அணி சூப்பர் 8ல் முதல் போட்டியில் ஆப்கானிஸ்தான அணியை 20 ஆம் தேதி பர்படாஸில் எதிர்கொள்கிறது.
2024 டி20 உலக கோப்பை தொடரின் லீக் சுற்று போட்டிகள் இன்றுடன் முடிவடைய உள்ள நிலையில், நாளை மறுநாள் (ஜூன் 19ஆம் தேதி) முதல் சூப்பர் 8 சுற்றுகள் தொடங்குகின்றது. சூப்பர் 8 சுற்றில் மொத்தம் எட்டு அணிகள் இரு பிரிவுகளாக பிரிந்து மோதுகின்றன. இதில் குரூப் 1 இல் இந்தியா, ஆப்கானிஸ்தான், ஆஸ்திரேலியா மற்றும் வங்கதேசம் அணிகள் இடம் பெற்றுள்ளன. குரூப் 2ல் இங்கிலாந்து, தென்னாபிரிக்கா, அமெரிக்கா, வெஸ்ட் இண்டீஸ் ஆகிய அணியில் இடம் பெற்றுள்ளன.
அதில் ஒவ்வொரு பிரிவிலும் முதல் இரண்டு இடங்களை பிடிக்கும் அணிகள் அரையிறுதிக்கு செல்லும். நாளை மறுநாள் முதல் சூப்பர் 8 போட்டியில் அமெரிக்கா மற்றும் தென்னாப்பிரிக்கா அணிகள் மோதுகின்றன.
