ஒவ்வொருவருக்கும் அன்றாடம் பால் என்பது இன்றியமையாத ஒரு பொருளாகும். அந்தவகையில் ஆரோக்யா பால் விலை உயர்ந்திருந்த நிலையில் இல்லத்தரசிகள் கவலையில் இருந்தார்கள். தற்போது ஹட்சன் நிறுவனத்தால் விற்பனை செய்யப்படும் ஆரோக்யா பால் (Full Cream) விலையை லிட்டருக்கு ₹2 குறைத்துள்ளது மகிழ்ச்சியை ஏற்படுத்தியுள்ளது .
கொரோனாவுக்குப் பின் பால் விலை தொடர்ந்து உயர்ந்து வந்த நிலையில், முதல் முறையாக தனியார் நிறுவனம் விலையைக் குறைத்துள்ளது. இனி அரை லிட்டர் ஆரோக்யா பால் பாக்கெட் ₹36க்கும் ஒரு லிட்டர் பாக்கெட் ₹68க்கும் விற்கப்படும். ஆரோக்யா தயிர் விலையும் கிலோவுக்கு ₹4 குறைக்கப்பட்டு ₹67ஆக விற்பனையாகிறது.
