T20 உலகக் கோப்பை தொடரில், முதல் முறையாக அரையிறுதிப் போட்டிக்கு முன்னேறியது ஆஃப்கன் அணி. சூப்பர் 8 சுற்றின் கடைசி ஆட்டத்தில் இன்று ஆஃப்கானிஸ்தான் – வங்கதேசம் அணிகள் மோதின. டாஸ் வென்று முதலில் பேட்டிங் செய்த ஆப்கானிஸ்தான் அணி 115/5 ரன்கள் மட்டுமே எடுத்தது. அதிகபட்சமாக ஆப்கான் அணியில் குர்பாஸ் 55 பந்துகளில் 43 ரன்கள் எடுத்தார். மேலும் ரஷீத் கான் 19 ரன்களும், இப்ராகிம் சத்ரான் 18 ரன்களும் எடுத்தனர். பின்னர் 116 ரன்கள் இலக்குடன் களமிறங்கி வங்கதேச அணி ஆடியபோது மழை குறுக்கிட்டது.
இன்னிங்ஸ் மழை காரணமாக 19 ஓவர்களாக குறைக்கப்பட்டது. ஆகையால் 19 ஓவர்களில் 114 எடுத்தால் வெற்றி என்ற புதிய இலக்கு நிர்ணயிக்கப்பட்டது. தொடர்ந்து ஆடிய வங்கதேச அணி 17.5 ஓவர்களில் 105 ரன்களுக்கு ஆல் அவுட்டானது. வங்கதேச அணியில் லிட்டன் தாஸ் 54 ரன்களுடன் அவுட் ஆகாமல் களத்தில் இருந்தார். ஆப்கான் அணியில் அதிகபட்சமாக நவீன் உல் ஹக் மற்றும் ரசித் கான் தலா 4 விக்கெட்டுகளை வீழ்த்தினர். நவீன் ஆட்டநாயகன் விருது பெற்றார். இதன்மூலம் அரையிறுதிக்கு முன்னேறி ஆஃப்கன் அணி புதிய வரலாறு படைத்துள்ளது. அதே நேரத்தில் ஆஸ்திரேலிய அணி வெளியேறியது.
இந்த போட்டியில் போட்டியில், குல்பதின் நைப் செய்த செயல் நகைப்பை ஏற்படுத்தியுள்ளது. 116 ரன்கள் இலக்கை துரத்திய வங்கதேச அணி, 81/7 ரன் எடுத்த போது, 3வது முறையாக மழை குறுக்கிட்டது. அந்த நேரத்தில், வங்காளதேசம் DLS முறைப்படி 2 ரன்கள் பின்தங்கியிருந்தது. அந்த நேரத்தில் ஒருவேளை மழையால் போட்டி நின்றால் ஆப்கானிஸ்தான் அணி வெற்றி பெறும். அப்போது நிலைமையை புரிந்து கொண்டு மெதுவாக பந்துவீசுமாறு ஆப்கான் பயிற்சியாளர் ஜொனாதன் ட்ராட், செய்த சைகையை தவறாக புரிந்துகொண்ட குல்பதின், ஸ்லிப்பில் கால் வலிப்பதாகக் கூறி படுத்துக்கொண்டார்.
இதைப் பார்த்த நெட்டிசன்கள், ஆஸ்கார் விருது வாங்கும் அளவுக்கு நடிப்பதாக விமர்சித்துள்ளனர். மேலும் அதன்பின் மீண்டும் களத்திற்குள் வந்து பந்துவீசி ஒரு விக்கெட்டை வீழ்த்தினார். இந்த வீடியோவை கிரிக்கெட் ரசிகர்கள் நகைச்சுவையாக ட்ரெண்ட் செய்து வருகின்றனர். அதே நேரத்தில் கடைசியில் வெற்றிபெற்ற பின் அவர் ஓடிய வீடியோவும், வைரலாகி வருகிறது.
