விராட் கோலி டி20 போட்டிகளில் இருந்து ஓய்வு பெறுவதாக அறிவித்துள்ளார். 2024 டி20 உலகக் கோப்பையில் தென்னாப்பிரிக்காவுக்கு எதிரான இறுதிப் போட்டியில் வெற்றி பெற்ற பின், தனது ஓய்வு முடிவை அறிவித்துள்ளார். “இதுவே எனது கடைசி டி20 போட்டி என்றவர், இன்றைய போட்டியில் வெற்றிபெறவில்லை என்றாலும், இந்த முடிவை அறிவித்திருப்பேன் என்றார். அடுத்த தலைமுறைக்கு வாய்ப்பளிக்கும் நோக்கத்தில் ஓய்வு பெறுவதாகத் தெரிவித்துள்ளார்.
பரபரப்பான 2024 டி20 உலக கோப்பை இறுதிப் போட்டியில் இந்தியா 7 ரன்கள் வித்தியாசத்தில் தென்னாப்பிரிக்காவை வீழ்த்தியது. இதன் மூலம், T20 உலக கோப்பையில் இரண்டாவது முறையாக சாம்பியன் பட்டதைக் கைப்பற்றியுள்ளது. பார்படாஸில் டாஸ் வென்று முதலில் பேட்டிங் செய்த இந்திய அணி 20 ஓவர் முடிவில் 7 விக்கெட் இழப்பிற்கு 176 ரன்கள் குவித்தது. இந்திய அணியில் அதிகபட்சமாக விராட் கோலி 59 பந்துகளில் 76 ரன்களும், அக்சர் படேல் 31 பந்துகளில் 47 ரன்களும், சிவம் துபே 16 பந்துகளில் 27 ரன்களும் எடுத்தனர்.177 ரன்கள் இலக்குடன் களம் இறங்கிய தென்னாப்பிரிக்க அணியை இந்திய அணி பவுலர்கள் 169/8 ரன்னில் கட்டுப்படுத்தினர். ஹர்திக் 3 விக்கெட்டுகளையும், அர்ஷ்தீப், பும்ரா தலா 2 விக்கெட்டுகளையும் கைப்பற்றி வெற்றிக்கு முக்கிய பங்காற்றினர். சாம்பியன் ஆன இந்திய அணிக்கு வாழ்த்துக்கள் குவிந்து வருகிறது..
