எல்லை தாண்டி மீன்பிடித்ததாக 13 தமிழக மீனவர்களை இலங்கை கடற்படை கைது செய்துள்ள சம்பவம் பரபரப்பை ஏற்படுத்தியுள்ளது. புதுக்கோட்டை மீன்பிடி துறைமுகத்தில் இருந்து மீன்பிடிக்க சென்ற அவர்கள் நெடுந்தீவு அருகே கைது செய்யப்பட்டுள்ளனர். தொடர்ந்து மீனவர்கள் சென்ற மூன்று விசை படகுகளையும் பறிமுதல் செய்த இலங்கை கடற்படை விசாரணைக்காக அவர்களை காங்கேஷன் கடற்படை முகாமுக்கு அழைத்துச் சென்றுள்ளது.
இலங்கை கடற்படையால் தமிழக மீனவர்கள் கைது செய்யப்படுவது வாடிக்கையாக்கிவிட்ட நிலையில் இதற்கு அரசு உரிய நடவடிக்கை எடுக்க வேண்டும் என மீனவர்கள் தரப்பிலிருந்து கோரிக்கை எழுந்துள்ளது.
