ஜூன் 25ஆம் தேதி அரசியல் சாசன படுகொலை தினமாக கடைபிடிக்கப்படும் என மத்திய அரசு அறிவித்துள்ளது.
ஜூன் 25ஆம் தேதி அரசியல் சாசன படுகொலை தினமாக கடைபிடிக்கப்படும் என மத்திய அரசு அரசிதழில் வெளியிட்ட அறிவிப்பை தனது எக்ஸ் தளத்தில் பகிர்ந்தார் அமைச்சர் அமித் ஷா. அதில், ஜூன் 25, 1975 அன்று, அப்போதைய பிரதமர் இந்திரா காந்தி, சர்வாதிகார மனநிலையின் வெட்கக்கேடான வெளிப்பாடாக, தேசத்தின் மீது எமர்ஜென்சியை விதித்து நமது ஜனநாயகத்தின் ஆன்மாவை நெரித்தார். எந்தத் தவறும் செய்யாமல் லட்சக்கணக்கான மக்கள் கம்பிகளுக்குப் பின்னால் தள்ளப்பட்டனர், ஊடகங்களின் குரல் அடக்கப்பட்டது.
இந்திய அரசு ஒவ்வொரு ஆண்டும் ஜூன் 25 ஆம் தேதியை ‘சம்விதான் ஹத்யா திவாஸ்’ ஆகக் கடைப்பிடிக்க முடிவு செய்துள்ளது. இந்த நாள் 1975 அவசரநிலையின் மனிதாபிமானமற்ற வலிகளை சகித்த அனைவரின் மகத்தான பங்களிப்பை நினைவுகூரும்”
பிரதமர் திரு நரேந்திர மோடி தலைமையிலான அரசு எடுத்த முடிவு, அடக்குமுறை அரசாங்கத்தின் கைகளில் விவரிக்க முடியாத துன்புறுத்தலை எதிர்கொண்ட போதிலும், ஜனநாயகத்தை மீட்டெடுக்க போராடிய மில்லியன் கணக்கான மக்களின் ஆவிக்கு மதிப்பளிக்கும் நோக்கம் கொண்டது.’சம்விதான் ஹத்யா திவாஸ்’ அனுசரிக்கப்படுவது, ஒவ்வொரு இந்தியரிடமும் தனிமனித சுதந்திரத்தின் நித்திய சுடரையும் நமது ஜனநாயகத்தைப் பாதுகாக்கவும் உதவும் என தெரிவித்துள்ளார்.
இந்திரா காந்தி பிரதமராக இருந்தபோது 1975 ஆம் ஆண்டு ஜூன் 25ஆம் தேதி அவசரநிலை பிரகடனம் செய்யப்பட்டது குறிப்பிடத்தக்கது.
