2024 பட்ஜெட்டில் வருமான வரி செலுத்தும் மாத சம்பளதாரருக்கு அளிக்கப்படும் நிரந்தர கழிவுத் தொகை ₹50,000இல் இருந்து ₹75,000ஆக உயர்த்தப்பட்டுள்ளது. இதன்படி, புதிய வரி விகிதத்தின்கீழ் இனி ₹7 லட்சம் வரை ஆண்டு வருமானம் ஈட்டுவோருக்கு வருமான வரி கிடையாது. பழைய வரி விகிதத்தின்கீழ் வரி செலுத்துவோர் எனில், ₹2 லட்சத்துக்கு காப்பீடு, செலவு உள்ளிட்ட கணக்குகளை தாக்கல் செய்தால் வரி செலுத்த வேண்டாம்.
ஆண்டு வருமானம் ₹9 லட்சம் எனில், பழைய வரி விகிதத்தின்கீழ் ₹96,200 வரி செலுத்த வேண்டும். அதேநேரம் அவர் ₹2 லட்சம் முதல் ₹3 லட்சம் வரை கணக்குகள் தாக்கல் செய்தால், வருமான வரியை ₹33,800 வரை குறைக்க முடியும். ₹4 லட்சத்துக்கு கணக்கு தாக்கல் செய்தால் ₹1 கூட வருமான வரி செலுத்த வேண்டியதில்லை. ஆனால், புதிய வரி விகிதம் எனில், அவர் கட்டாயம் ₹46,800 வருமான வரி செலுத்த வேண்டும்.
